Þá er ég komin til Reykjavíkur og loksins komin í almennilega tölvu þar sem ég get skrifað einhvern almennilegan texta. 

Það eru nú nokkrir dagar síðan ég bloggaði og það hefur eitthvað á daga mína drifið, eins og gengur.  Nokkur partí hjá Maríu, vinna, vinna, vinna, rifrildi og svo skilur Jónsmessa alltaf eftir sig einhverjar minningar, nú rétt eins og öll þessi partí hjá maríu...

Nú eru tveir dagar þangað til ég fer til Finnlands.  Jói og mamma hans voru hérna áðan, við erum örugglega að fara með mörg kíló af mat.....ég er að segja ykkur það...harðfiskur, rúgbrauð, reyktur silli, súkkulaði, lakkrís, tópas, hangikjöt, flatkökur!....ja hérna hér.

Ég er að pæla í að reyna að næla mér í miða á Eurovision í Finnlandi...það væri Geðveikt.  Ef það er ekki byrjað að selja miða, þá bið ég bara einn af verðandi finnsku vinum mínum um að gera það fyrir mig.

Jói ætlar að fara með gítarinn sinn, þannig að ég er að pæla í að finna fullt af söngtextum og hljómum á netinu og búa til smá söngmöppu.

Að lokum vil ég benda öllum á að fara á http://www.blog.central.is/villingarnir ...þar er svolítið sniðug grein...hehe...

kærar kveðjur úr borginni,

Ástríður

Ja hérna hér.... Ég vil byrja á því að biðjast afsökunar á þessu bloggleysi mínu. En þegar maður vinnur í 12 tíma er ógeðslega erfitt að setjast við tölvuna og byrja að skrifa eitthvað svakasvaka.

Ég er semsagt búin að vera að vinna núna með belgum, eistum, ameríkönum, norðmönnum, pólverjum, finnum og skota sem kallar mig alltaf Austria.

,,Austria? Can we have a language lesson now?"

Ég er semsagt búin að vera að kenna honum íslensku í vinnunni. Hann er búinn að læra að segja töng, hann segir það reyndar tong( sem minnir mig pínulítið á Thong Thong sem var að vinna hérna síðasta sumar.....

Ég hef ekki mikinn tíma til að skrifa meira, Ástralía-Brasilía er að byrja.....

kv. Ástríður

Hversu vel þekkjir þú mig?

Fimm orð sem lýsa mér best?

Ef þú myndir mega spyrja mig að einu, hver væri spurningin?

Ég er _________ manneskja sem þú hefur kynnst?

Við hvað á ég eftir að starfa?

Hvað hata ég mest?

Hvað elska ég mest?

Mun ég giftast?

Mun ég skilja?

fallegasti líkamspartur minn?

hvaða litur fer mér best?

Er ég trúuð?

Áhugamál mín?

Hvað finnst mér fyndnast?

kv. Ástríður

Núverandi dagsetning: 5 júní.

Núverandi föt: brons skórnir, grái invisible bolurinn og svörtu buxurnar sem öllum finnst ljótar.

núverandi skap: ahh....ég held að við skulum bara sleppa því að ræða það...

núverandi pirringur: Að vera alltaf plantað í móttökuna til að leysa af þí mat þegar ég er í fríi 

núverandi lykt: silungslykt og graslaukssósu lykt af matnum sem skipið er að borða.

núverandi hlutur sem þú ættir að vera að gera: drekka kók

núverandi skartgripir: Bara teygja og spennur í hárinu....

núverandi bók: tónfræði...

núverandi áhyggja: ja hérna hér....oof margar

núverandi uppáhaldsleikari: Bimms

núverandi löngun: drekka kók...

núverandi tilhlökkun: þriggja daga frí, fimmtudag, föstudag og laugardag...

núverandi tónlist: suðið í túrhestunum

núverandi á heilanumuðið í túrhestunum

núverandi farði: ekki neitt, nema kannski smá ilmvatn síðan í gær.

núverandi eftirsjá: Ég er að reyna að hætta að sjá eftir hlutunum

núverandi desktop pic: Hótel  Reynihlíð

núverandi áætlanir fyrir kvöldið: ekki hugmynd...

Núverandi blótyrði: helvítis

Núverandi skemmtun: Horfa á túrhestana: ,, Aww, look at the sunset" (bentu á póstkort með mynd af eldgosi)

Núverandi mistök : Ég er fullkomin

núverandi msn manneskjur sem ég er að tala við: Það er ekkert MSN í móttökunni

Núverandi ást: það er eitthvað svakalega lítið um ást í augnablikinu...

Núverandi árátta: Flöbbs

Núverandi manneskja sem ég forðast: Ég er svo fullkomin að það er mér ófært að forðast fólk...

Núverandi hlutir á veggnum: þúsund kerti, mynd af hverfjalli, minjagripir, póstkort, hillur með vínflöskum á...

Núverandi uppáhalds bók: Saga Sunnevu 

Núverandi uppáhaldsmynd: Center Stage og Dirty dancing

 núverandi uppáhalds hljómsveit: Ekki H&H

 Núverandi söfnun: Lappeenranta here I come!

 núverandi uppáhalds þáttur: Friends, hvað annað?

kv. Ástríður 

Helvítis asnanum færi það best að fara í kempuna og leika prest...

Þessi orð hafði blessaður afi minn að segja þegar það var einn tómatur eftir í kassanum.

sjitt, ég er búin að vinna svo mikið að ég er bara farin að segja einhverja helvítis vitleysu......ja hérna hér.

Ég er búin að vinna helvítis 10 daga í röð, eða síðan ég kom hingað.  Djöfull ætla ég að liggja í sólbaði og skrifa bókina mína á sunnudaginn maður....

Veisla á morgun, allir fínir og svona, ég í rauða fína kjólnum mínum...

Ég er ógeðslega þreytt og fokking pirruð á þessari andskotans tölvu að ég ætla að hætta þessu bévítans rugli...

kv. Ástríður

P.S. Sá sem getur talið blótin í þessu bloggi fær verðlaun...

Ég hélt ég væri komin í sumarfrí....

Nú er ég búin með 10 próf og ég tók þýsku í gær.  Það var akkúrat þá sem ég uppgötvaði að þýska er leiðinlegasta, órómantískasta, ljótasta, hrækju, himmeldonnerwetter tungumál í heimi.  Það er leiðinlegra en danska, íslenska, enska og mandarín.  Ég sé samt reyndar ekki eftir því að hafa farið í þýsku...það er skást af þrennu illu.

Af hverju er ekki hægt að gera Á með shift?

Eins og ég sagði, þá er ég ekki búin að klára prófin.  Ég þarf nefninlega að taka 5.stig á klarinett kl. 11.15 á mánudagsmorguninn og þarf að æfa tónstiga, gangandi þríundir, heila þríhljóma, brotna þríhljóma, laghæfa molla, hljómhæfa molla og krómatískan tónstiga.  Eeen, það er ekki búið þá.  Ég þarf að mæta í inntökupróf í Tónlistarskólann í Reykjavík kl. 17.00 á þriðjudaginn, og á eftir að finna gott verk fyrir mig til að spila þar.  En, aftur á móti, er ég loksins að útskrifast úr Tónmenntaskóla Reykjavíkur, eftir að hafa numið þar í 8 ár. 

Ég horfði á Eurovision í gær, það sökkaði.  Óvönduð lög með ekki hálfnöktum, heldur nöktum súludönsurum frá Rúmeníu eða einhverjum andskotanum komust áfram.  Reyndar var ekki mikið til að velja úr.  Það er samt orðið svolítið ósanngjarnt hvernig símakosningin hefur farið með Eurovision, ég hef 3 tillögur um hvernig á að laga þetta:

1. Skipta Eurovision í austur og vestur og hafa tvær keppnir í staðinn fyrir eina.

2.  Láta fyrrverandi Sovétríkin keppa sem eitt land.

3. Taka aftur upp kviðdóminn.

Svo finnst mér að það eigi að leggja niður helvítis undankeppnina, hún er ömurleg.

Ég var næstum því farin að gráta þegar ég gekk útúr söguprófinu mínu í gær, mér hefur aldrei gengið illa á prófi og vitað af því.  Hver veit hvað væringjar eru? eða odovakar?  rugl....

Það var samt pínu fyndið út af því að um leið og ég kveikti á i-podinum mínuj kom:

Don't worry baby, everything will be alright, don't worry baby

með Beach boys.  Átti bara svolítið vel við...

En ég ákvað svo að drekkja sorgum mínum og fara í Smáralind og eyða öllum páskalaununum mínum í föt......það gekk bara ágætlega...

Svo var ég að frétta að það er enginn í framboði í Mývatnssveit, þannig að það eru allir í framboði.......er það sniðugt?

Ég á víst að vera að læra jarðfræði, börnin góð, grunnvatnsflæði, þið vitið hvað ég meina...

Og svo legg ég til að Karþagó verði lögð í eyði

kv. Ástríður

Jæja, jæja, nú er svo langt síðan ég skrifaði síðast að ég var næstum því búin að gleyma passwordinu mínu.....

Ég er búin í fjórum prófum af tíu og nýti alla frítíma sem mér mögulega gefast til að sooofa.  Ekki til að blogga.

Ég fékk útborgað um mánaðamótin, eins og þorri landans, og ég ætla að fara í Kringluna með Sessu og Maríu á eftir að eyða peningum í föt.......og skó.   Mmm....ég hlakka til...

Ég hef alveg Ógeðslega lítið til að blogga um.....svo ég ætla að hætta þessu rugli.

kv. Ástríður

P.S. Bendi öllum að fara á leikjanet.is og í leik sem heitir Valentiner....

Ég held að ég elski lífið í dag.  Hér koma nokkrar ástæður:

1. Ég er komin í páskafrí

2.  Það var Dimissio í dag

3. Það féllu niður þrír tímar í dag(útaf Dimissio)

4. Skólablaðið kom í dag

5. stelpurnar í bekknum mínum voru hérna áðan

6. Ég er að fara út að borða með elsu á morgun

7. Ég var hæst í stærðfræði í dag (8,3)

8. Ég fékk 7 í sögu og jarðfræði

9. ég er að fara norður á mánudaginn

10. það eru páskar eftir viku

11. Ég hljóp heilan stífluhring í gær

12. Ég kann að downloada lögum af netinu

13.  Ég á loksins peninga fyrir Ray-ban sólgleraugum

14. það er 7. apríl!

Það var Dimissio í dag, það var mikið um furðulegt fólk.  Endur, Star-wars-ingar, æsir, grease-ingar, afró-ingar, fótboltamenn, nunnur og kiss var meðal þess sem var hresst á túninu við Lækjargötuna í dag.  Við fengum frí í 2., 3. og 4. tíma og það var kalt úti, svo að við skelltum okkur á Segafredo.  Ég er ekkert æðislega hrifin af Segafredo, langaði á Brennsluna, en þar var bekkjarráðsfundur í gangi....

Einhversstaðar held ég að ég hafi lesið að þegar maður hefur skrifað 100 blaðsíður, sé maður rithöfundur.  Ég er búin með 52, svo ég er hálfur.  En, ég er búin með handskrifaðar 52, svo að ég myndi segja að ég sé einn.  töff.

Það var gangaslagur á þriðjudaginn.  Hann var í tvær mínútur.  Mikið af sögum í gangi um hvað gerðist.  Þverskurður: fótbrot, yfirlið, dauði(!), flogakast, ofanátroðsla og sitthvað fleira.  Ég tek þó fram að ég hef ekki hugmynd um hvað af þessu er rétt.  Þar sem ég er frekar lítil(...), treysti ég mér ekki alveg í miðja þvöguna og hélt mig á þröskuldinum.  Ég sá frekar lítið, en tók eftir útúrteipuðum sjöttubekkingum stökkva niður stigann.  Ég var ekki búin að gera margar tilraunir til þess að reyna að kíkja, þegar var flautað og leikurinn stoppaður.  Þá voru allir beðnir um að fara út og strunsaði le pré niður MR-tröppurnar í nærbuxum og barnaolíu einum fata.  Það var hringt á sjúkrabíl og 3., 4. og 5. bekkingar beðnir um að yfirgefa svæðið.

Ég er að fara að kaupa mér Ray-ban sólgleraugu á morgun!  Mig er búið að langa í þau í allan vetur! er að pæla í að kaupa mér linsur í leiðinni...

Djöfull var þetta flott blogg hjá mér....

Ég skal blogga þegar ég er komin í páskafrí.....held ég.....

Lofa samt að það verður Yndislegt blogg Guðrún mín!  Ég veit þú bíður spennt...

Coming up.....Gangaslagur, Grímuball, Ratatoskur, síðasta vikan fyrir páskafrí, rauð kona að labba yfir götu....og....ekki gleyma hneykslinu um B&B!

Fundarstjóri, dómari, andmælendur og góðir gestir.

Menntaskólinn vann MorfÍs.

takk.

Góðan daginn. 

Ég heiti Ástríður Pétursdóttir.  Ég er 16 ára.  Ég bý ein í  200 fm fjölbýlishúsi í úthverfi í Reykjavík.  Mamma mín býr á Höfðabakka(Deloitte&Touche), pabbi minn býr í Mývatnssveit og systir mín býr í undirheimum Reykjavíkur.  MSN-ið mitt er bilað.  Ég er atvinnulaus.  EN, ég er í MR.  Allt er gott.

Krissa gisti hérna í nótt, við fórum nú ekkert yndislega snemma að sofa, svo að ég get ekki haldið mér vakandi núna.  Takk samt, Krissa mín, fyrir gott kvöld...

Norður um helgina.  Hef samt ekkert geðveikt mikinn tíma til að njóta þess, I'm only going for business, not pleasure.  Heimaréttarkvöld á laugardaginn, fullt af Mývetningum sem safnast saman að borða úldin egg.  Yndislegt.

Ég er í pínu kræsis.  Ég er búin að kaupa mér mars-Glamour, en ég er ekki búin að hafa tíma til að lesa það! Í tvær vikur! Hvað er í gangi?!

Þar sem að ég er fullkomin og geri allt rétt, ætla ég að byrja með smá pistil(?) byggðan á minni reynslu á öðru fólki.  Þetta á að hjálpa ykkur öllum að lifa rétt.

Ekki:

Ganga niður laugarveginn klukkan 17.00 full, með vinkonu ykkar.

Fara á almenningsstaði, eftir að hafa verið á hestbaki, án þess að fara í sturtu.

Vera með hundana ykkar lausa þegar ég er að fara út að skokka.

Fara með skítugt hár í strætó

Henda rusli í Elliðaárdalnum

kv. Ástríður

Þið getið ekki ímyndað ykkur hvað ég var glöð þegar ég gekk útum útidyrnar á Laxakvíslinni og sá að það var loksins komið vor.  Svo var ég mjög vonsvikin þegar ég steig ofan í snjóskafl.  Við erum reyndar í Reykjavík......okei....þegar ég steig ofan í snjókorn...

Ég er yfirleitt búin að hugsa um hvað ég ætla að skrifa, ég er bara búin að gleyma því...

Ég er búin að skrifa 33 blaðsíður af bókinni minni.  Samkvæmt mínum reikningum eru það 14100 orð.  Ég vona bara að ég geti slitið mig frá þessu brjálæði í prófunum, annars er ég í voooondum málum.....

Ég, ásamt Hákoni og Andra, er búin að bjóða mig fram í stjórn spilafélagsins.  Stefnuskráin okkar inniheldur pox, púkk, félagsvist, trivial, carcasonne o.fl.  Allir að kjósa okkur í Spilafélag Framtíðarinnar!  Allavega ef þið viljið eiga skemmtilegri spilavetur 2006-2007 heldur en 2005-2006...

Ééééég er að pæla í að fara að læra fyrir efnafræðipróf.....n=m/M, er það ekki?

C= n/V.  Ástríður